تحضير سويسرول الشوكولاتة

بطاطا كروكيت 

مقادير بطاطا كروكيت

4 عدد بطاطا (مسلوقة)
2 معلقة صغيرة بودرة ثوم (أو بصل)
1 عدد بيضة
1  كوب بقسماط مطحون (عادى أو مبهر)
1  عدد بيضة (بياض فقط)
1  كوب دقيق
½  معلقة صغيرة فلفل اسود مطحون
½  كوب جبنة رومي (أو شيدر مبشورة)
½  معلقة صغيرة ملح
¼  كوب لبن كامل الدسم

طريقة عمل بطاطا كروكيت

1. نقشر البطاطا ونهرسها كويس جدا فى بولة كبيرة
2. نضيف على البطاطا بياض البيضة والجبنة المبشورة وربع معلقة فلفل اسود وربع معلقة ملح ومعلقة صغيرة ثوم أو بصل بودر وممكن الاتنين.
3. نضرب المكونات كويس جدا بمضرب بيض لحد ما تبقى عجينة متماسكة ونعجنها على شكل كره وتدخل الثلاجة لمدة ساعة.
4. نحضر طبق فيه دقيق وطبق فيه بقسماط .
5. نحضر بولة فيها بيضة على ربع كوب لبن وعليهم باقى الملح والفلفل والثوم أو البصل البودر ونضربهم كويس بمضرب بيض.
6. ناخد من عجينة البطاطا قطعة صغيرة وهنشكلها على شكل كرة أو أصابع حسب الرغبة وهنحطها فى الدقيق الأول تاخد طبقة دقيق وبعدين نحطها فى خليط البيض و بعدين نغلفها بالبقسماط المطحون كويس ونحطها فى طبق فاضى.
7. بعد ما ننتهى من تغليف البطاطا بالبقسماط هندخل الطبق الثلاجة لمدة نصف ساعة علشان البقسماط يمسك وميفكش مع القلى

8. بعد كده فى طاسة غويطة فيها زيت غزير ساخن نقلى البطاطا لحد ما تتحول للون الذهبى وطبعا بعدها نصفيها من الزيت وتصبح جاهزة للتقديم.